នារសៀលថ្ងៃទី២ ខែវិច្ឆិកា ឆ្នាំ២០២៣ នៅសួននៃអង្គការ C H O ផ្លូវជាតិលេខ៥៩ ភូមិ កូនដំរី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ឯកឧត្ដម អន ស៊ុំ លេខាធិការគណៈកម្មការទី៤ ឯកឧត្ដម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញចូលរួមក្នុងកិច្ចសំណេះសំណាល ស្ដីពីការបង្កើតវិទ្យាស្ថានឯកទេសវិជ្ជាជីវៈ(Specialized Vocational Institute) នៅក្នុងមណ្ឌលអង្គការកម្ពុជា នៃក្ដីសង្ឃឹម (Cambodia Hope Organization) C H O ជាមួយលោកប្រធានការិយាល័យអប់រំ យុវជន និងកីឡា លោកនាយក នាយករង វិទ្យាល័យ អនុវិទ្យាល័យ ទាំងអស់ក្នុងក្រុងប៉ោយប៉ែត ស្រុកម៉ាឡៃ និងស្រុកអូរជ្រៅ ខេត្តបន្ទាយមានជ័យ។ នាឱកាសនោះ លោក អ៊ិន ជំនោរ នាយកអង្គការកម្ពុជា នៃក្ដីសង្ឃឹម និងលោកសាស្រ្តាចារ្យ ជៀម សិទ្ធិ បានធ្វើបឋកថាបង្ហាញពីគោលបំណង និងក្ដីសង្ឃឹម នៃការបង្កើតវិទ្យាស្ថាននេះ ដែលនឹងទទួលសិស្សចុះឈ្មោះចូលរៀនពីពេលនេះតទៅ ហើយដំណើរការសិក្សារបស់សិស្សចាប់ពីថ្ងៃទី១៥ ខែមករា ឆ្នាំ២០២៤តទៅ។